الماشي لابرخم البعيد
الراوي/ الاستاذ الشاعر محمد بابكر الدرويش
*******************************
زور الشريف تصبح سعيد يا الماشي لأبرخم البعيد
بسم الله يا مبدي ومعيد طارح الأرض مدني البعيد
سافل شرق غرب وصعيد أحفظنا في اليوم أب رعيد
ثنيت بشافع الوعيد محمد الرؤياه عيد
كرر زيارتو وليها عيد دنيا وأخرى تكون سعيد
جيب القصيد فوق الشريف خيرو الكتير نبعو السريف
للممحلين مهله وخريف قد حل في الظل الوريف
هارون إمام المفلحين هارون سليل الصالحين
يوم الظروف ليك ما تحين أسرع وزوروا في كل حين
شوف الشريف وسط الملم في الصالحين صار كالعلم
يا ناوي قوم أمشي أبرخم خيرو الوفير تلقاهو خم
بوصيك زور لا تنقطع أسمع كلامي وليهو طيع
نجمه الظهر ساطع سطع من الله سر ما منقطع
يا نفسي روقي وقنبي في ذكر المكارم أطنبي
كيف الهدايا بتنأبي نفحاتو من جدو النبي
ما قلت الا الحق حقيق دراً وماس ياقوت عقيق
أصله الشريف بالخير حقيق تلقاهو زي ود أم شقيق
بهديكا در ليك ناظمها تروي الحشود من الظمأ
شريعة جده معظمها أبجد حروفها منظمها
برقا يرفرف من عشاء حرم المحب سيب عشاه
بلبل قصيدي معشعشة آمالي بيكم منعشة
درويش بجيب نظما نثير بين الوفود يصبح أسير
يوم الجزاء الوافر كثير فرشه وغطاه يكون وثير
صليت صلاتي بلا حسب لإبن قصي المنتسب
يوم الطمع للمحتسب قول لي جيت كسبان كسب
...
التعليقات
لا توجد تعليقات بعد — كن أول من يعلّق.