أنا قلبي حن

أنا قلبي حن

الراوي/الخليفة  أبوبكر ود التوم 

*******************************

أنـا قلبي حن     أنا شوقي لي الزال المحن 

يا راحمــاً          عبدك ضعيف عاقو الزمنْ
يُكرَم بمنْ         من جانـا شـافِع ومؤتمنْ

قَمر أب رخمْ    ذو الحكمة والراي والفهمْ 
زال الوَهَـمْ            كـالرمشة يـلحق للنهـمْ

جَـوهَر وَدُرْ               الوجهُه زى قَمر البَـدُرْ
عـالي القَدرْ        يعرف كلامك في الصـدر

بـدر الدُجـىٰ               الفيهو مابخيب الرجاء 
سمح السجا           العاطلة أبويـا مدرجهـا

خاتي الحسد         التالي لي سورة المسد
أنا أبوي أسد     ماخاب ظن من ليه قصد

طيب الأصـل                السره باللّه متصل 
عنده الوصل          تيـاره قط مـا منفصل

قمر المســاء      عامر مسيده صباح مساء 
صاحب الكسا          القلبه للنــاس ماقسـا

سيف النصُـر          تشهدله جلســات العصُـر 
جبــر الكسُـر           لي وجهه قطعاً ما بيصُـر

صلـوات تحوم      للمصطفى في كـل يـوم 
بهـا ودالتــوم      يغني في الأشراف عموم
...