للشريف هاون بنادي
الراوي/ عبدالله عز الدين ود المشايخي
*******************************
للشريف هـارون بنادِي
الحليـم الطبعُو هـادِي
يـا ربّ تـمّم لي مُرادي
اذكر دَوَام في ليلي هادِي
اشوف النبي ال لينا هادِي
الحبـه سـاكن في فؤادي
ثنيتا بالنبي الهدَانـا
فِعل القبيح عنهُ نهانا
من حَمُو النيران حمَانا
بالبُشرى والخيراتِ جانا
عرج على السمحات خِصالُو
الشريف ال ماف مثـالُو
على الإلـه كَم دلّ حـالُو
وفي الكمَال زايد كمَـالُو
الطريق رافِـع وِسـامُـو
ذكر الله يُوت لهجُو وكلامُو
جُوف اللّيل عُشاقُو هامُو
عندو الكوب دوّر نِظامُو
الشريف عالـي المَكانـة
من ابريش وارث الأمَانة
القلوب الفاسدة صانها
للمُريـد عندُو الحَصَانـة
الشريف ال لينا قايِـد
في الخيــراتِ لينا زايد
هو الفَزَع ساعة الشّدايد
لكُل مريــداً ليهُ رايـد
الشريف مافيش مِثالُه
الشريف حالي المقـالُ
فايق على كل الرجـالُ
لالوبو فوق رُوس الجبال
المشايخي في العِبارة
طالب لقلبُه الإنارة
اكــرمُوه بالزيــارة
لبلدة النبي الخِيارا
جـات صلاتي بالألـوفُ
عدّ الكلامِ عـدّ الحـروفُ
يا الرسول سمح الوصُوفُ
المشايخي ليك ينظر يشُوفُ
...
التعليقات
لا توجد تعليقات بعد — كن أول من يعلّق.