وارث الأبرار

الراوي/ الخليفة أبوبكر ود التوم

وارث الأبرار الشريف هارون

ود علي الكرار الشريف هارون

دا فِيض البِحار قايم الأسحَار

طبعُو الماهُو حار للضيوف نحّار

دُرة الأشرافْ السادَة الظُرافْ

عندهُ المُغرافْ بِسقي غير إسرافْ

دا دُخري السِنينْ أب سيفاً سنينْ

أب قلباً حنينْ الداوَى أبْ أنينْ

دا اللابس الوَقارْ شايل ذُو الفِقارْ

راكب خيلو غارْ جَدُو صاحب الغارْ

كفّهُ المبروكْ حاشىٰ ما مشروكْ

هبّار الشروكْ بنقذ المدرُوكْ

من ما قام غُلامْ ماسوى الملامْ

دا بدر التمامْ الضوّى الظلامْ

دا إبن البتُولْ الغارس الشتولْ

حبلهُ المفتولْ بالعرض والطولْ

ودالتُّوم ناداكْ باقي في حواكْ

أديهو من نادَاكْ يشربْ بى يَداكْ

صلَواتْ عمُومْ توصَل المعصُومْ

تزيل الهمُومْ في السُودان عمُومْ

...