وريث أب ريش

الراوي/ الخليفة أبوبكر ود التوم

وريـث أب ريـش ياوريـث أب ريـش

يا الشريف هارون شبهك ما فيش

بحـرك الزاخر كـم سقى لعطيـش

انت صادق القول حاشى ما غشيش

انـت نبع الخيـر ياوريث أب ريـش

يحفظك مولاك بالسلامة تعيش

فى اب رخم معروف للكسر جبار

زندك الطائـل للشروك هبـار

حبوك الناس الصغـار وكبـار

ديمة تسري الليل وعارف الأخبار

إنت يا أبـو أنس وارث الزهـاد

قدرك العالـي إنت يا أبو رشاد

مرجع الإفتـاء ومركز الإرشـاد

أنا فيك بقول وبردف الإنشاد

مابسوي اللوم حاشى أبوك يا أبوذر

يـا محمد أبـوك بلحق المنـزر

كـم وكـم أرشد كم وكم أنـذر

أوعاك من زعله يا خصيم واحذر

إبن الزهراء والرسول يــاسين

أبوك يا أحمد فاكهة الجالسين

حاشى ما اتعالى أبوك يا ياسين

بلحق الصايحة في جبـال الصين

دا خليفة أبوهو زين العـابدين

نسل الأشـراف البقيموا الدين

أبـوك عجيب يا زيـن العـابدين

يقش الدمعة ويـحل الديـن

عد ما في الكون صل يامولاي

علـى المختـار الرسول ملجـاي

بيها ود التـوم ينظم الشاشاي

يبقى كالأشراف في الفهم والراي

...